Skátar á Amie Street!!!

Hljómsveitin Skátar gefa út plötu sína Ghost of the Bollocks to Come á tónlistarvefnum Amie Street. Það er hægt að nálgast plötuna fyrir rúmlega á 1$ hérna. Það tók mig smá tíma til þess að ná þessari plötu en hún er hreint út sagt frábær. Þetta er einhverskonar indý progrokk, reynd er að gera tónlistina eins óhefðbundna og hægt er. Stundum má segja að sum lögin séu í rauninni brot úr mörgum lögum. Með einhverjum undraverðum hætti þá mynda lögin einhverja óreiða heild. Ragnheiður Eiríksdóttir tónlistargagnrýnandi hjá Mogganum hittir naglann á höfuðið í gagnrýni sinni. En ég tek mér það bessaleyfi að birta brot úr henni, en hún birtist 28 apríl síðast liðinn og gaf hún plötunni fjórar stjörnur.

 

    "Tónlistin sem þeir bjóða upp á á þessari annarri geislaplötu sinni er um margt ruglingsleg, og fyrstu hlustanir eru eins og að stinga hausnum inn í steypuhrærivél, svo ruglaður er maður í ríminu. Þegar línurnar fara að skýrast fer maður að heyra smá Sonic Youth (t.d. í gítarspili) en svo eru áhrif frá finnskri nýbylgju, íslensku pönki og progrokki ásamt auðvitað fullt af einhverju óútskýranlegu sem er bara hjá Skátunum."

 

 

Hérna í tónlistarspilaranum mínum má finna lagið Skálholt sem hefur heyrst X-inu og Reykjavík FM. Sjálfum þykir mér vænt um allt sem tengist Skálholti (ég er alin þar upp) og það er ástæðan fyrir því að ég vel lagið.

 

Fyrir ykkur sem eru orðin leið á hlusta á einhæfa tónlist sem er hætt að koma á óvart þá mæli ég með Skátum. Gefið tónlistinni tíma og þá er ekki aftur snúið, eitt sinn skáti ávallt Skáti.

 

Vegna einskærar góðmennsku minnar þá hef ég ákveðið að hjálpa þeim sem vilja eignast plötuna með því að opna aftur fyrir kynningar kóðann iceland. Þegar þið skráið ykkur inn skrifið þið orðið iceland þar sem stendur promotional code. Þá fáið þið kredit til að kaupa skáta plötuna og aðra tónlist á Amie Street.